Të pakën 128 njerëz u vranë në një sulm kamikaz në takimin e një kandidati politik në zgjedhjet e përgjithshme që zhvillohen këtë muaj. Nawabzada Siraj Raisani, i cili po bënte fushatë në provincën jugore të Balochistanit, u vra në shpërthimin me  bombë së bashku me dhjetra të tjerë. Më shumë se 200 persona të tjerë mbetën të plagosur gjatë shpërthimit që ndodhi në zonën e Mastung, pranë kryeqytetit provincial Quetta. Kjo është goditja më vdekjeprurëse e terrorizmit në Pakistan këtë vit. Shumica e të plagosurve u dërguan në Spitalin Civil ‘Quetta’, ku shumë prej tyre janë duke u mjekuar nga djegiet e shkaktuara nga shpërthimi. Qeveria e Balochistanit njoftoi dy ditë zie dhe urdhëroi që flamuri kombëtar të ulet në gjysmë shtize. Partitë politike në provincë njoftuan pezullimin e veprimtarive politike pas bombardimeve kamikaze.