Një sulm me armë zjarri ka ndodhur këtë të shtunë në një qendër tregtare në qytetin e El Pasos në Teksas të SHBA-ve. Mediat lokale të Teksasit raportojnë se nga ky sulm kanë mbetur shumë viktima, rreth 20 sipas dailymail dhe të shtënat kanë zgjatur për një orë.

Sipas CNN, autoritet kanë vënë në pranga tre persona të dyshuar si autorë të këtij sulmi.

Personat të cilët janë gjendur në qendrën tregtare në momentin e sulmit janë larguar të tmerruar, ndërkohë që tre restorante në zonë kanë mbyllur dyert duke reaguar ndaj situatës emergjente.

Policia njoftoi përmes një postimi në TWitter për incidentin duke u bërë thirrje njerëzve të mos i afrohen zonës.

Të paktën 20 persona janë vrarë dhe 26 të tjerë u plagosën nga masakra që ndodhi brenda një qendre tregtare.

‘Daily Mail’ shkruan se bëhet fjalë për Patrick Crusius, një 21-vjeçar nga Alleni i Teksas, i cili u arrestua nga policia si një prej autorëve e kësaj ngjarje të rëndë.