Një ushtar mbeti i vrarë dhe 47 persona të tjerë u plagosën, përfshirë edhe civilë, gjatë një sulmi me bombë në krahinën juglindore të Dijarbakir. Ngjarja ka ndodhur dje dhe sipas mediave turke, përgjegjës për këtë sulm është Partia e Punëtorëve të Kurdistanit.

Militantët e PKK shpërthyen bombën përballë xhandarmërisë. Pas kësaj nisi një përplasje e armatosur mes forcave të sigurisë dhe militantëve të PKK. Një ushtar u vra dhe 47 u plagosën, duke përfshirë edhe të afërmit e personelit të xhandarmërisë në banesa.

Të plagosurit janë dërguar fillimisht në spitalin shtetëror dhe më vonë janë transferuar në spitalin Ushtarak të Diyarbakır me helikopter dhe ambulancë.