Në një intervistë për “RMC Sport”, Patrick Cutrone është shprehur se nga të gjitha ndeshjet që ka zhvilluar, kundërshtari që i ka hapur më shumë probleme ka qenë Arlind Ajeti.
“Futbollisti që më ka hapur më shumë probleme? Ai është Arlind Ajeti, gjatë gjithë ndeshjes. Me Inzaghin jam takuar dhe i kam sqaruar se nuk ishte qëllimi im të shënoja me dorë, pasi sportiviteti është i pari. Për fat, VAR-i e konsideroi golin tim ndaj Lacios si të rregullt”, është shprehur Patrick Cutrone.