Me siguri ju ka ndodhur shpesh teksa postoni një story, të mendoni sa perfekte do të bëhej po të shtonit dhe muzikë. Epo duke filluar që sot ju mund ta bëni!! Instagram tani do t'ju lejojë të zgjidhni nga mijëra këngë nga artistë si Bruno Mars, Dua Lipa, Calvin Harris dhe Guns N 'Roses. Për të shtuar një këngë në InstagramStories, sigurohuni që të përditësoni Instagram-in në versionin më të fundit. Shkrepni një foto ose regjistroni një video dhe më pas klikoni mbi ekran dhe do të shihni një afishë të re të quajtur Muzika. Menjëherë do t’ju shfaqet një bibliotekë këngësh që ju lejon të kërkoni sipas emrit të këngës, zhanrit ose popullaritetit.

Përdoruesit e iPhone mund të zgjedhin gjithashtu një këngë para se të fillojnë së regjistruari një video dhe të regjistrojnë videon në kohë reale teksa kënga po luhet. Përdoruesit e Android, nuk duhet të shqetësohen, pasi ata do ta kenë këtë opsion të shtuar në Instagramin e tyre shumë shpejt. Kompania tha se opsioni i muzikës për momentin është i disponueshëm vetëm në vendet e "zgjedhura" duke përfshirë SHBA. Nuk ka fjalë se kur ai do të jetë i aksesueshëm nga të tjerët.