Ish-ministri i Brendshëm, Saimir Tahiri sërish ishte sot në Gjykatën e Krimeve të Rënda për akuzat për trafik droge. Edhe sot seanca në ngarkim të tij është shtyrë por lajmi i ri është se ai ka fituar gjykim të shkurtur.

“Edhe shtyrja e sotme është e tepërt, është para gushtit dhe gushti është pushim, mua më duket shumë e tepërt. U shty për shtator kjo histori, por ishin të gjitha kushtet që të bëhej gjykim i pandërprerë, siç e kërkon Kodi edhe siç duhet me rastin. Ju nuk u lodhët me këtë histori. Po zgjatet përtej limitit të vazhdueshëm”, tha ai.

Gazetarët e pyetën nëse do e kalojë "provimin e shtatorit". Ai u përgjigj me një batutë: "Maksimumi në shkollë kam bërë 20% në vjeshtë nuk kam ngelur ndonjëherë. Dhe kjo është gallatë tani, kjo histori ka filluar me burra me musteqe dhe ka përfunduar me burra me botoks."