Ish-ministri i Brendshëm Saimir Tahiri, ashtu siç kishte paralajmëruar ka dalë sot në një konferencë për shtyp.

Përball mediave Tahiri u shpreh se kishte heshtur gjatë gjithë kësaj kohe vetëm për respekt të hetimeve.

“Me vrap pas tyre edhe ambasadorë pa menduar dy herë se në vendin e tyre nuk do guxonin të flisnin në një proces ku heton prokuroria, por folën, kanë gënjyer aq shumë për mua unë vetëm kam heshtur. Me besimin që nuk e kam humbur ende se e vërteta sado vonë do të flasë më fort se çdo gënjeshtër e thënë gjatë një viti. Nuk e kam pasur të lehtë, por sot boll”, tha ai.