Melinda Ademi i kërkoi publikisht falje reperes Tayna, pasi e kishte ofenduar në vargjet e këngës së saj “Freestyle”.

“I kërkoj falje artistes Tayna për ofendimet në freestyle-in e fundit. Për shkak të drejtimit që ka marrë rap-i i femrave, mendoj se duhet ta ndryshojmë kahjen dhe të mos nxisim urrejtje te gjeneratat e reja”, shkruante ajo.

“Prive” ka kontaktuar me menaxherin e reperes Tayna, të cilët kanë thënë se në këtë mes nuk ka vend për reagime dhe Tayna nuk ka asgjë për të thënë.
Sipas tij, Melinda e kishte ofenduar shumë Taynan dhe për këtë arsye, ka marrë edhe shumë ofendime nga fansat e reperes.

Mirëpo këtë vendim të Tayna-s, nuk e ka pritur fare mire dhe këtë e tregoi mjaft qartë në postimin e saj të fundit në Instagram.

"Provova të isha e mirë, por ata e morën këtë si dobësi, kështu që do të nxjerr sërish bishën brenda meje! Kjo është gjuha e vetme që ata kuptojnë!"- kështu shprehet Melinda, duke e shoqëruar mbishkrimin me një puthje (emoji).

Epo tani nuk dime ç’të themi tjetër veçse të shohim çdo ndodhë mes vajzave./intv.al/