Sikundër përflitej, Edi Reja do të jetë trajneri i ri i Kombëtares Shqiptare të Futbollit. Tekniku italian ka zbarkuar në Tiranë dhe është prezantuar ditën e sotme në ambientet e FSHF-së ku ka firmosur kontratën me Presidentin Duka. Reja ka shpalosur edhe idetë e tij të para për kuqezinjte.

“Falenderoj Presidentin Duka për besimin dhe ftesën për të drejtuar kombëtaren. Kontrata do të jetë deri në fund të eliminatoreve. Më pas nëse do të ketë vend për të vazhduar do vazhdojmë. Nuk premtoj asgjë por kam ardhur këtu për të dhënë 200 përqind. Kundër Turqisë nuk ishte Shqipëria e vërtetë” u shpreh Reja.