Prej 2 vitesh, fansat e Taylor Swift kanë pritur me padurim për këngëtaren që të publikojë një tjetër album po aq të suksesshëm sa “1989” dhe tashmë mund të themi se jemi pa fjalë. Taylor ka publikuar dje singëllin e saj debutues nga albumi i ri që pritet të dalë në treg shumë shpejt dhe në fakt është totalisht një “diss” për Kim Kardashian dhe Kanye West. Dëgjojeni këngën “Look What You Made Me Do” dhe pasi ta dëgjoni disa herë kushtojini rëndësi teksti dhe do ju duket mëse e qartë se po hedh “kunja” për çiftin Kim-Kanye. Në këngë ajo thotë “Nuk më pëlqejnë lojërat e juaja të vogla. S’më pëlqen skena jote. Roli që më bëtë të luaj,”. Jo vetëm që ajo po i referohet faktit që Kimye bënë publikun të besojë që Taylor është “gjarpri” i i gjithë dramës së famshme “Famous” por ajo gjithashtu thekson “skenën”, që Kanye kishte gjatë turit të tij Saint Pablo. Të gjithë e mbajmë mend atë skenë fluturuese.

Epo tani kuptohet qartë pse Taylor i bëri një “restart” rrjeteve sociale, për t’u rikthyer fuqishëm.