Tayna si gjithë artistët e tjerë, gjatë këtij viti ka qenë pasive me koncerte, për shkak të situatës së krijuar nga pandemia COVID-19. Por, kjo gjë e kishte edhe anën pozitive pasi artistët kanë patur rastin të qëndrojnë më gjatë pranë më të dashurve të tyre.

Krahas kësaj, ata udhëtuan në vende të ndryshme për pushime, e këtë pikë Tayna e ka shfrytëzuar në maksimum. Ajo për një kohë të gjatë qëndroi në Amerikë, teksa u argëtua në maksimum, duke udhëtuar në vende të ndryshme. Por, tashmë artistja ka ndërruar destinacion dhe këtë herë zgjodhi të udhëtojë në Turqi, nga ku edhe solli pamjet e para për fansat e saj.

“Po ku din n’La ca o’ buka e caji breee”, ka shkruar ajo me shaka sipër një fotografie që e shkrepi në Stamboll.

Mirëpo kush po e shoqëron Taynën gjatë këtyre pushimeve?

Të themi të drejtën ajo është treguar shumë e kujdesshme dhe në fotot që ka postuar, nuk është shfaqur me asnjë person tjetër. Kureshja është e madhe dhe vetëm Tayna mund ta shuajë atë.