Ajo u bë e suksesshme në një periudhë të shkurtër kohore dhe fama e saj vijon të rritet çdo ditë e më shumë. Është fjala për reperen e njohur, Tayna, e cila punon fort për të bërë krenare veten dhe prindërit e saj. Së fundmi, reperja ka treguar se çfarë marrëdhënie ka me babanë e saj. Mbrëmjen e kaluar, Tayna ka performuar në Londër duke e mbushur plot sallën dhe pamjet nga koncerti i ka ndarë edhe me të atin.

“Shumë mirë bab, bravo! Plot paska pas! Të lumtë!”

“Faleminderit bab! Gjithmonë kam dasht me ju bo krenarë edhe jam shumë e lumtur dhe falenderuese që po m’përkrahni për ëndrrat e mia. Ju dua shumë edhe m’ka marrë malli”- i përgjigjet Tayna.

“Do jemi gjithmonë krah teje dhe me ty zemër. Veç përpara bab!”- i ka kthyer i ati, siç mund ta shihni në bisedë.

Duket se prindërit e reperes janë fansat e saj më të mëdhenj, të cilët po kënaqen bashkë me të bijën për sukseset e saj.