Tayna ka publikuar një ditë më parë parë projektin e saj të fundit muzikor, një surprizë për të gjithë fansat që prisnin prej verës një tjetër këngë ritmike nga reperja.

“Sicko” është kënga e re e reperes që mban vulën e bashkëpunëtorit të përhershëm të saj, Cricket, ndërsa teksti është shkruar nga vetë Tayna.

Videoklipi i publikuar në “Youtube” nuk ka zhgënjyer pasi Tayna shfaqet më seksi se kurrë. Ndërkohë aty dëgjohet edhe një zë mashkulli shumë karakteristik, i cili na bëri përshtypje të gjithëve.

Ju e kuptuat se zëri i kujt është? Pjesë e këngës së reperes është bërë edhe Lindon Berisha, i biri i këngëtarit të njohur, Agron Berisha.