E dëgjojmë shpesh në muhabete të zakonshme kur thuhet se kudo në botë ka shqiptarë, por tashmë jemi të sigurtë se kudo në botë ka muzikë shqip...muzikë të bukur ama! Përveç emrave të njohur si Dua Lipa apo Bebe Rexha edhe të tjerë këngëtarë shqiptar na kanë bërë krenar me ndërkombëtarizimin e suksesit të tyre. Këngëtarja e njohur shqiptare Albërie Hadergjonaj, ndodhet aktualisht në New York dhe mbrëmjen e kaluar ajo ka qenë në një nga klubet më të njohura atje dhe siç duket nga videot, ia ka kaluar shumë bukur. Nuk kishte si të ndodhte ndryshe kur në mes të New York dëgjon këngë shqip, bëhet fjalë për “Karma” të Flori Mumajesi dhe djemve të Threedots dhe sigurisht “BonBon” të Era Istrefit. Albëria teksa kërcente nën ritme e këngë shqip, ka etiketuar Florin dhe Erën ndërkohë që kameran e ka afruar te gjoksi i një vajze me të cilën ishte, por të themi të drejtën nuk ia dimë emrin.