Duke nisur nga dita e sotme në Tiranë shtohet një event kulturor, pasi për 5 ditë me rradhë do të mbahet Panairi i Librit në edicionin e tij të 20. Nëpër stendat e shtëpive të shumta botuese do të njiheni me botimet më të mira të harkun kohor të një viti, por do të ketë dhe libra të ribotuar, që ndër vite janë blerë më shumë nga libradashësit. Panairi ka dhe një tjetër synim, pasi bën bashkë shkrimtarë, botues, përkthyes dhe lexues. Përmes kontaktit të drejtpërdrejtë të apasionuarit e librit mund të marrin dhe autografe nga shkruesit e tyre.