Marrëdhënia e Nora Istrefit dhe Robert Berisha është komentuar dhe aluduar gjithmonë në mediat rozë ku shpesh hamendësohet se çifti mund të jetë ndarë.

E megjithatë publikisht nuk kanë folur as Nora dhe as Roberti, të paktën deri së fundmi.

Robert Berisha në një intervistë për emisionin e mëngjesit “Gjesi” në T7 kur u pyet në lidhje me lajmet që kanë qarkulluar shpesh për raportin e tij me Nora Istrefin, Roberti tha se mediat priren të publikojnë menjëherë lajmet e këqija.

Megjithatë ai u shpreh se nëse ndarja ndodh, kjo është diçka normale që duhet të pranohet. Kjo nuk duhet të merret sikur vërtet po ndodh në raportin e tij me Norën.

“Nëse ka diçka të vërtetë, shumë shpejt merret vesh. Edhe është diçka normale edhe nëse është e vërtetë. Është shumë gjë normale”, është shprehur këngëtari.

“Për t’i qetësuar të gjithë, s’ka asgjë të vërtetë në ato që po shkruhen, apo jo?”, e pyet moderatorja.

“Jo jo, shëndoshë e mirë, çdo send është në rregull.”- është përgjigjur Roberti. “A e ke parë, të këqijat merren vesh shpejt, të mirat s’i besojnë njerëzit”, u shpreh Roberti.