Shkencëtarët që përcaktojnë gruan më të bukur në planet sipas “Raportit të artë të standardeve të bukurisë”, kanë zgjedhur fytyrën e modeles së Victoria’s Secret si atë që i afrohet më së shumti përsosmërisë.

Supermodelja Bella Hadid është gruaja më e bukur në botë. Të paktën, kjo është ajo që thotë matematika greke.

“Raporti i artë i bukurisë Phi” përcakton bukurinë në përputhje me llogaritjet klasike greke. Matjet e përmasave të fytyrës bëhen sipas standardeve që studiuan grekët, ndërsa përpiqeshin të përcaktonin bukurinë me formula shkencore.

Sipas matjeve të “Raportit të artë…”, 23-vjeçarja Bella ka një fytyrë që është 94,35 për qind e përsosur.

Gjithashtu, duke ndjekur parametrat e “Raportit të artë i bukurisë Phi”, diva e pop-it Beyoncé përfundoi në vendin e dytë. Ajo ka një fytyrë që është 92,44 për qind e përsosur.

Aktorja Amber Heard është në vendin e tretë me një raport 91,885 për qind ndërsa ylli i popit Ariana Grande është në vendin e katërt me 91.81 për qind.