Të gjithë e njohim dhe për shumë persona mund të jetë aktorja e preferuar e cila na ka shoqëruar me shumë role ndër vite nëpër filma të ndryshëm.

Sa e bukur, aq edhe e thjeshtë, madje të jep përshtypjen e njeriut pozitiv që në pamje të parë. Bëhet fjalë për aktoren e mirënjohur Jennifer Garner, e cila është zgjedhur si “Gruaja më e bukur” sipas revistës “People”.

Aktorja është cilësuar si mbretëresha e bukurisë, por për arsye që janë më të thella sesa pamja. Vetë 47-vjeçarja pranon se ajo jo gjithmonë e shikon veten si një grua tërheqëse.

“Nuk isha ndonjë nga vajzat e bukura që ndihesha e sigurt dhe nuk e shikoja veten aspak tërheqëse. Nuk ishte pjesë e jetës sime. Por u ndjeva mirë me veten më pas. Ky ishte truku! Paraqitja nuk ishte ndonjë gjë me rëndësi në familjen time. Prindërit e mi nuk më kanë thënë ndonjëherë ‘Je e bukur’ dhe unë thjesht nuk mendoja për këtë”, shprehet aktorja.