Apple ka paralajmëruar klientët e modeleve të iPhone X se mund të përjetojnë probleme me touch-in për shkak të një komponenti që mund të dështojë në modulin e ekranit. Apple shprehet se kjo do të thotë se  pjesë e ekranit, nuk përgjigjet ose nuk reagon në mënyrë të menjëhershme .
 Apple ka shprehur gjithashtu se vetëm një "përqindje e vogël" e pajisjeve janë prekur. Ky është një term që kompania ka përdorur mjaftueshëm në të kaluarën për të mbuluar problemet e saj por mesa kemi vënë re ajo përqindje nuk ka qënë aq e ulët.

Lajmi i mirë është që problemet e ekranit janë mjaft të lehta për t'u lokalizuar dhe nëse iPhone X nuk reagon ndaj prekjeve atëherë Apple ose një Ofrues i Shërbimeve të Autorizuara Apple do të zëvendësojë modulin e ekranit pa pagesë.Për më tepër, nëse keni paguar tashmë për këtë riparim ju tani keni te drejte për një rimbursim kështu që sigurohuni që ju të merrni atë.

 Apple paralajmëron përdoruesit e iPhone X se nëse iPhone X juaj ka ndonjë dëm që dëmton aftësinë për të përfunduar riparimin, si p.sh. një ekran i plasaritur, kjo çështje duhet të zgjidhet para shërbimit. Në disa raste, mund të ketë një kosto që lidhet me riparimin shtesë. " © insmart.al