Thashethemet mbi një romancë midis Eminem dhe Nicki Minaj nisën pasi reperja publikoi këngën e saj të fundit. Kur Nicki shpërndau këngën fansat e pyetën nëse ishte e lidhur me Eminem dhe ajo iu përgjigj ‘Po’.

Eminem hyri në këtë bisedë duke u përgjigjur: “Ti e di që është e vërtetë.” Kjo bëri që Minaj ti kthente koment reperit: “Zemër, mendova se do ta mbanim të fshehtë derisa të martoheshim. Do flasim bashkë kur të kthehem në shtëpi.”

Por Eminem e shtoi valën e thashethemeve ndërsa mbajti një koncert në Boston.

Ai pyeti fansat e tij: “Boston, sa prej jush dëshironi që unë të lidhem me Nickyi Minaj”.

E ndërkohë që të gjithë mendojnë se ata janë çift, këngëtarja e hitit “Anaconda” është shprehur në një intervistë për revistën “Elle” se “Për të parën herë pas 20 vitesh, Nicky Minaj po fle e vetme në shtrat.”

Nicki tregoi se nga mosha 15 vjeç deri në vjeshtën e vitit që lam pas, ajo ka qënë në lidhje serioze me të dashurit e saj dhe tashmë që po përjeton beqarinë, ndjehet shumë e fuqishme dhe është fokusuar në karrierën e saj

“Gjashtë muajt e fundit kanë qënë një ndikim i madh në jetën time dhe në karrierë. Kisha qënë në gjumë për tetë vjet” – tregoi Nicki Minaj, pas ndarjes nga Meek Mill.