Kim Jong Un ka zënë kryetitujt e lajmeve gjatë 2018-ës për kërcënimin me armë bërthamore dhe për përplasjen verbale me Donald Trump për marrëveshjen e paqes. Por sa herë ai përbën lajm, dy personave të tjerë u bien telefonat, shkruan David Cox. Një satirist politik që jeton në Hong, Kong Howard X dhe Minyong Kim nga Seuli, që njihen me emrin “Dragon Kim”, janë anëtarët e vetëm të asaj që ata e quajnë grupi i imituesve të Kim Jong-un. Në 6 vitet e fundit, dyshja falë ngjashmërisë me Kim Jong Un, udhëheqësi i Koresë së Veriut, fitonin deri në 10 mijë USD në ditë në punë të tilla si videolojëra, hapjen e qendrave tregtare, dhe zbavitjen e vizitorëve. Sa herë Kim Jong-Un lëshon një raketë ose kur e quan Donald Trumpin një matuf, atëherë telefoni im fillon dhe bie për punë”, thotë Howard. “Është gjithmonë në minutën e fundit, nganjëherë vetëm 24 orë përpara”, thotë ai. Minyong është në negociata me Kentucky Fried Chicken për të regjistruar një reklamë të re, ndërsa Howard është angazhuar kohët e fundit për t'u shfaqur në një ngjarje në Macau së bashku me imituesit e Trump dhe Putin. "Ata kishin një tortë të formuar si një raketë e madhe dhe të tre ne duhej ta hapnim atë", thotë ai. Kur Kim Jong-un erdhi për herë të parë në pushtet në dhjetor 2011, Minyong po bënte shërbim ushtarak në Korenë e Jugut.

"Ishte vërtet stresues," kujton ai. "Sa herë që Kim Jong-un do të bënte apo do të thoshte diçka, të moshuarit dhe të rinjtë vinin tek unë dhe thoshin:" Është për shkakun tënd, dukesh si ai ". Pasi kishte mbaruar shërbimin ushtarak, ai vendosi të përpiqet të përqafojë ngjashmërinë e tij me udhëheqësin e Koresë së Veriut. Për Halloween, ai bindi një berber lokal të zënë ngushtë për t'i dhënë atij prerje të markës tregtare të Kim Jong-un, bleu një kostum të zi të lirë dhe u nis në rrethin e modës të Hongdae të Seulit.
"Kishte mijëra njerëz që donin të bënin fotografi nga unë dhe të nesërmen kam përfunduar në të gjithë TV," thotë ai. "Brenda një muaji kisha kompani që kërkonin të xhironin reklama me mua."