DJ Geek ka qenë shpesh herë ditët e fundit në qendër të mediave rozë dhe e gjitha kjo për lidhjen me Dafina Zeqirin. Fillimisht ata e pranuan publikisht romancën e tyre, më pas dolën lajmet për një ndarje të mundshme. Dhe të themi të drejtën pas deklaratave të ndryshme dhe postimeve në rrjetet sociale, ende nuk e kemi kuptuar se çfarë statusi kanë momentalisht.

Gjithsesi, ditën e djeshme dj i njohur ka festuar ditëlindjen dhe ka mbushur 28-vjeç, e sigurisht që në ditën e tij të veçantë nuk kanë munguar urimet dhe dhuratat nga njerëzit e zemrës.

Këngëtarja e njohur Dafina Zeqiri dhe miqtë e përbashkët i kanë organizuar një festë surprizë. Ajo ka publikuar disa foto në Instastory ku shihet torta e personalizuar dhe ambienti i dekoruar.

Përpos festës, Dafina i ka dhuruar Dj Geek një palë atlete. Dj ka publikuar një foto të tyre në rrjete sociale, krahës së cilës ka shkruar: “Edhe diçka tjetër nga Dafina”, ndërkohë që emrin e këngëtares e ka shoqëruar me emoji mbretëreshe.