Zvkryeministri Erjon Braçe ka dalë hapur kundër atyre që kanë falsifikuar biletat e tranportit publik, ku pas një operacioni Policia vuri në pranga 8 persona. Brace bën të ditur, se aksionet kundër informalitetit dhe shkeljes së ligjit do të vijojnë në të gjithë vendin, ndërsa shtoi se nuk do të kursehet asnjë abuzues.

Numri dy i qeverisë thekson se aksionet e tilla nuk janë “një shaka por thjesht zbatimi i ligjit”. Mes tjerash ai fton të gjithë të qytetarët dhe subjektet tregtare të tregohen të kujdesshme, pasi në të kundërt i pret ndëshkimi sipas ligjit.

“Vazhdoni merreni me të qeshur! nuk është lojë! Paligjshmëria po u merr në qafë!
Nuk u kërkon kurrkush asgjë tjetër vec të jeni të ligjshëm, të paguani taksat!

Ti hysh rruges së mashtrimit edhe për 40 leke-sic këto biletat, nuk ja vlen, nuk ju duhet! Rrini të ligjshëm, fitoni atë që ju takon, paguani tatimet për atë që qarkulloni e për atë që fitoni; Shiheni, ju kushton shumë më lirë! Ne na duhet vec kjo; Të jeni të ligjshëm, të punoni e fitoni, nuk na duhet as bllokimi e nuk na duhen as prangat për ju!

Vec atë që ka përcaktuar ligji! Aaa dhe një gjë; Mos gënjeni! Mbi të gjitha mos gënjeni duke e pare tjetrin ne sy!” shkruan ndër të tjera Braçe në postimin e tij.