Plasin të shtënat me armë, dy të plagosur

Dy persona janë qëlluar me armë zjarri në orët e para të mëngjesit të kësaj të mërkure në një lokal pranë stadiumit "Kastrioti" në Krujë. 

Të plagosur kanë mbetur shtetasit Ramazan Shullazi dhe Genc Goga të cilët janë qëlluar nga një person i tretë i cili mësohet se ndodhej me ta në tavolinë. 

Policia ka identifikuar autorin e kësaj ngjarje, i cili dyshohet se është nipi i një prej të plagosurve, dhe vijon punën për arrestimin e tij.  

Nuk dihen ende motivet që çuan në përdorimin e armëve të zjarrit brenda në ambientet e lokalit.