Rihanna i ka të gjitha, por jo gjithccka ka shkuar vaj në jetën e saj. Këngëtarja nga Barbadosi po bën namin me hitin e saj të ri “Wild Thoughts” , por përvec super këngëve, ajo di të ofrojë edhe këshilla të mira, sidomos kur bëhet fjalë për dashurinë.

Një pyetje drejtuar këngëtares në Twitter ka bërë që ajo të përfshihet emocionalisht duke i dhënë disa këshilla fanses në fjalë.
“Si ia ke dalë nga ndarja jote e parë? Unë po vuaj shumë” shkruan fansja në Twitter.
Nuk ka munguar dhe përgjigja e Ririt e cila thotë: “Thjesht mendo që ndarja është një dhuratë për veten tënde. Qaj nëse e ndjen por kjo gjë nuk do të zgjasë përgjithmonë. Ti do të gjesh dashurinë përsëri dhe ajo do të jetë akoma më e bukur. Momentalisht shijo atë çfarë ti je”.