Demi Lovato është gjendur pa ndjenja kur një ekip mjekësh mbërritën menjëherë në shtëpinë e saj në Hollivud pas një mbidoze me heroinë.

Sipas telefonatës së bërë me ambulancën, 25 vjeçarja ishte gjetur pa ndjenja.

Siç është raportuar dhe në mediat amerikane, policia, zjarrëfikës dhe ambulanca kanë mbërrityur menjëherë pas telefonatës në mëngjesin e ditës së sotshme.

Këngëtarja është transportuar në spital ku dhe po trajtohet.

Pas 6 vitesh rehabilitim, Demi i ishte rikthyer drogërave dhe alkoolit, gjë të cilën ajo e pranoi me publikimin e këngës “Sober” vetëm një muaj më parë.