Para disa ditësh, drejtori i Milanit, Marco Fassone konfirmoi në një konferencë për shtyp, se portier Gianluigi Donnarumma ka refuzuar vazhdimin e kontratës me Milanin. Ndërkohë që ditën e sotme, Fassone ka dhënë një tjetër deklaratë lidhur me këtë çështje për shkak të interesit të madh për të ardhmen e portierit 18-vjeçar.

 “Ne nuk kemi nevojë për lëmoshë, ne nuk do të pranojmë oferta 20 milionëshe për Donnarumman. Ai do të mbetet këtu dhe edicionin e ardhshëm do të largohet si lojtar i lirë nëse ne nuk marrim ofertën e duhur”, ka deklaruar me bindje Fassone.

Për Donnarumman interesim të madh po shpreh Real Madridi, Juventusi, Manchester United dhe shumë klube të tjera të njohura europiane.