Naftëtarët e Ballshit kanë protestuar sërish sot para rafinerisë së naftës.

Por situata është tensionuar ndërsa naftëtarët kanë shpërthyer portën e uzinës dhe janë vendosur përpara zyrave të saj.

Punëtorët pasi kanë çarë kordonin e policisë kanë hyrë me forcë në uzinë.

Ata kërkonin që punëtorët që kanë nisur punën në repartet e uzinës të bashkohen me protestuesit pasi ata janë zgjedhur ne mënyre selektive.

Mësohet se protestuesit janë përplasur edhe me forcat e policisë.

Naftëtarët protestojnë për pagat e munguara.

Prej disa muajsh ata kërkojnë pagat e prapambetura, sigurimet shoqërore dhe rifillim të punës së uzinës. Ata janë konfrontuar me administratorin i cili u mbrojt nga forcat e sigurisë.

Kreu i konfederatave Taf Koleci u ka kërkuar protestuesve që të premten të nisen drejt Tiranës, njësoj si Kukësi.