Lideri i Aleancës për Ardhmërinë e Kosovës, Ramush Haradinaj, i cili po qëndron në Francë, ka reaguar pas lajmit, se nesër pritet vazhdimi i dialogut me Serbinë. Sipas Haradinajt, kryeministri Isa Mustafa dhe presidenti Hashim Thaçi, janë shndërruar në kukulla të Serbisë. Këto deklarata Haradinaj i ka bërë përmes një postimi në rrjetin social Facebook. Ndërkohë Beogradi po i frikësohet faktit se Rusia mund ta njohë shtetin e Kosvës. Mediat serbe i janë referuar analizës së britanikes Mary Dejevsky, që njihet si njëra ndër ekspertet më të mira për Rusinë, e cila ka thënë se në kuadër të një marrëveshjeje mes Trumpit dhe Putinit, Rusia do të mund ta njihte pavarësinë e Kosovës. Për mediat serbe ky lajm është raportuar si tronditje për Serbinë. Nga ana tjeter shërbimet e inteligjencës ushtarake izraelite flasin për një skenar të rrezikshëm që Serbia mund të planifikojë ndaj Kosovës. DEBKA File, uebsajti i inteligjencës shkruan se treni serb do të provojë të futet përsëri në Kosovë pas inaugurimit të Donald Trump si president i Amerikës. Sipas tyre ushtria serbe planifikon të marshojë pas trenit, duke u futur brenda në Kosovë. Shërbimet izraelite shkojnë edhe më tej duke thënë se “edhe nëse Kosova do të kërkojë ndërhyrjen dhe ndihmën e shteteve të tjera duhet ta harrojë, pasi nuk ka mbështetje nga ndonjë vend europian, madje as nga Gjermania.