Një 57-vjeçar e ka pësuar keq, pasi ka tentuar që t’i japë ryshfet policit rrugor. Ngjarja në fjalë është regjistruar në kryqëzimin e Bulevardit “Zogu i Parë” me rrugën “Ded Gjon Luli” në Tiranë.

Burime zyrtare nga policia bënë me dije se shtetasi me inicialet Sh.K., i ofroi ryshfet punonjësit të Policisë Rrugore me qëllim shmangien e masës administrative. Kjo pasi ai shkeli rregullat e qarkullimit rrugor duke hyrë me mjetin e tij me të kuqe në semafor.Por gjatë momentit të ndalimit i ka ofruar punonjësit të Policisë Rrugore së bashku me dokumentacionin një kartëmonedhë të prerjes 2000 lekë me qëllim shmangien e masës administrative.

Materialet iu referuan Prokurorisë së Rrethit Gjyqësor Tiranë në ngarkim të shtetasit të lartpërmendur për veprën penale “Korrupsioni aktiv i personave që ushtrojnë funksione publike”.