Policia e Lushnjes ka zbardhur ngjarjen e ndodhur ditën e sotme ku dy persona kanë tentuar të grabisin me dhunë një lokal.

Në prangat e policisë kanë rënë dy të dyshuarit si dhe një person i cili akuzohet për moskallëzim krimi dhe pengim të zbardhjes së ngjarjes.

Njoftimi i Policisë:

Tentojnë të vjedhin me dhunë një lokal, policia e Lushnjes zbardh ngjarjen dhe ndalon 2 autorët e dyshuar për këtë vepër penale dhe 1 shtetas tjetër për "Moskallzim krimi".

Sot më datën  04.09.2016 u bë ndalimi me inisiativë i shtetasve:

1.Arjan Tabaku, 49 vjeç, banues në lagjen "Çlirimi", Lushnje.

2.Andrea(Gazmend) Tabaku, 45 vjeç, banues në Lushnje.

3.Ilir Robo, 38 vjeç, banues në Lushnje.

Ndalimi i shtetasve Arjan dhe Andrea Tabaku (vëllezër) , u bë për arsye se në bashkëpunim me njëri tjetrin, sot më datën 04.09.2016 kanë tentuar të vjedhin me dhunë në lokalin e shtetasin E.S në lagjen "Loni Dhamo".

Ndërsa shtetasi Ilir Robo u ndalua për veprën penale "Moskallzim i  krimit" dhe "Veprime që pengojnë zbulimin e së vërtetes".

Materialet do i kalojnë Prokurorisë Lushnje për veprat penale të "Vjedhjes me dhunë" e kryer në bashkëpunim e mbetur në tentativë, "Moskallzim krimi" dhe "Veprime që pengojnë zbulimin e së vertetës" të parashikuara nga Nenet 139,25,22, 300 dhe 301 të Kodit Penal!