Stilistja është irrituar shumë nga disa lajme që ka lexuar nëpër portale të ndryshme në lidhje me xhirimet e klipit të këngës “Përrallë”.

Bora dhe Eneda Tarifa kanë bashkëpunuar në këtë projekt dhe bjondja rebele nuk i lë mangut komentet kur vjen fjala tek lajmet e rreme apo “keqdashëse” sipas saj.

Në shkrim ajo tregohet e fyer nga gazetarët të cilët sipas saj po e përdorin imazhin e Borës dhe të motrave të saj për t’i bërë dëm politik babait Koço Kokëdhimës. Nuk është aspak në karakterin e Borës të kursehet në fjalë dhe shkrime dhe këtë herë duket se ia ka bërë “Bam”.

Kujtojmë se kjo periudhë nuk ka qenë edhe aq e qetë për familjen Kokëdhima pasi deputeti Koço Kokëdhima ka kaluar në Gjykatën Kushtetuese për rishikimin e mandatit të deputetit pas votimit nga parlamenti.