Shia LaBeouf u arrestua përsëri, këtë herë pasi u përfshi në protestat kundër Presidentit të ri amerikan, Donald Trump. Aktori hollivudian u arrestua nga policia e Neë York gjatë transmetimit të tij live në internet, me moton “Ai nuk do të na ndajë”, transmetim i cili ka vazhduar që nga inaugurimi i Trump. Bëhet me dije se ylli i “Transformers” akuzohet për sulm pasi kapi një tjetër protestues, duke e tërhequr nga shalli dhe duke i gërvishtur fytyrën. Sikur të mos ishte mjaftueshëm e çuditshme video e tij, e cila i ngjan më shumë një sekti se një proteste, tani edhe kjo. Mirë me Trump, po me protestuesin ç’pati?