Pakënaqësia këtë herë, ka të bëjë me mosrespektimin e të drejtave të autorit për atë që ndryshe quhet edhe “pronë intelektuale”. Kjo është terminologjia e përdorur për çdo lloj prodhimtarie apo vepre në lëmin e letërsisë, shkencës dhe artit dhe në rastin konkret, tekstet e këngëve janë një prej tyre. Këtu merr shkas edhe irritimi i tekstshkrueses e cila pretendon se i kanë vjedhur të drejtat autoriale të të gjitha teksteve të cilat i ka të regjistruara. Por ta lërë të kalojë pa vëmendje këtë çështje, duket se nuk është një opsion për 36 vjeçaren e cila shprehet se nëse kjo vazhdon, do të jetë e detyruar të bllokojë të gjitha këngët që mbajnë firmën e saj. Aktualisht, këngëtarja është pjesë e programit të njohur “Your Face sounds familiar” në Tv Klan ku performanca e saj e fundit ishte me këngën “Gangnam Style”.