Një seri tërmesh të fuqishme goditën Italinë Qëndrore. Lëkundjet e shumta të tërmeteve që janë ndjerë paraditen e sotme në Romë kanë shkaktuar panik në kryeqytetin italian. Lëkundjet e forta të tokes janë ndjerë në të gjithë Italinë Qendrore midis orës 10.25 dhe 11.25 minuta . Toka është lëkundur për disa sekonda, kohe gjate se ciles, termeti eshte ndjerë me shume në kryeqytetin italian, Romë. Goditja e parë ka qenë prej 5.1 ballë, e dyta 5.3 dhe e treta dhe ajo më e fuqishmja ka qenë 5.6 ballë të shkallës riter. Epiqendrat e lëkundjeve kanë qenë midis Akuilës dhe Rietit në një thellësi prej 9 kilometrash. Deri më tani nuk raportohen viktima në njerëz por vetëm dëme materiale dhe shembje të disa kishave në Amatriçe dhe San Agostino, të cilat në lëkundjet e disa muajve më parë kishin pësuar plasaritje.

Shkollat janë mbyllur në të gjitha zonat e prekura dhe nxënësit janë evakuuar. Sistemi i Metrosë në Romë është pezulluar dhe pasagjerët janë evakuar si pasojë e tërmeteve. Autobusët janë vënë në lëvizje si alternativë për transportin në komuna të veçanta, ndërkohë që po kryhen kontrolle teknike.