Shqipëria është lëkundur shumë herë nga tërmetet gjatë këtij viti. Madje disa prej tyre kanë qenë shumë të fuqishëm, teksa të tjerë kanë qenë të lehtë dhe nuk janë ndjerë nga qytetarët. Por një tjetër tërmet i fuqishëm ka goditur detin Jon, por që në fakt nuk është ndjerë shumë në vendin tonë. Mësohet se lëkundjet janë regjistruar pak minuta pas mesnate.

Sipas CSEM EMSC tërmeti ishte ma magnitutë 4.7 ballë, me epiqendër në detin Jon dhe është ndjerë edhe në Izmir të Turqisë, Ermoúpolis dhe Kamárion të Greqisë.
Kujtojmë se rreth një muaj më parë Deti Jon u godit edhe nga një tërmet më i fuqishëm, i cili u ndje në Shqipëri, Greqi, Maltë, Turqi dhe Qipro.