Përplasje mes grupeve në Laç, qëllohen tre persona

Tre persona janë plagosur në dalje të qytetit të Laçit pas një sherri të çastit. Sipas raportimeve të para policia ka shkuar menjëherë në vendin e ngjarjes dhe ka arrestuar autorin e krimit.

Është bërë me dije se autori Gegë Gegaj, ka plagosur me armë zjarri Erlin Shaplocin (i plagosur rëndë) dhe Gazmend e Islam Shaplocin të cilët ndodhen jashtë rrezikut për jetën. Gegaj ka pësuar lëndime të lehta pasi është goditur me sende të forta gjatë përleshjes.

Motivet e sherrit nuk janë zbardhur ende.

Informacion paraprak

Sot, rreth orës 17:02 është marrë njoftim tek Salla Operative, se në Sanxhak në Kurbin, ka ndodhur një plagosje me armë zjarri.

Menjëherë në vendngjarje kanë mbërritur forcat policore që kanë konstatuar shtetasi G.G. ka plagosur me armë zjarri 3 shtetas, I. Sh., B. Sh., dhe G. Sh., të cilët ndodhen në spitalin e Traumës në Tiranë, nën kujdesin mjekësor.

Motivi dyshohet pas një konflikti të çastit ndërmjet tyre.

Gjithashtu, në spital për ndihmë mjekësore ndodhet edhe shtetasi Gegë Gega, pasi gjatë konfliktit fizik ka pësuar lëndime, ku i është bërë edhe arrestimi.

Në cilësinë e provës materiale është sekuestruar arma e zjarrit tip automatik.

Grupi hetimor nën drejtimin e Prokurorisë së Rrethit Gjyqësor Kurbin, ndodhen në vendngjarje e po hetojnë për zbardhjen e plotë të rrethanave të ngjarjes.