Diçka e tillë duket se i ka ndodhur dhe Kejsi Tolës, për të cilën është përhapur lajmi se është lidhur me një tjetër këngëtar shqiptar, Brano (Branimir) Agovi. Një postim në Instagram në faqen e këtij të fundit ka mjaftuar për t’i dhënë zë thashethemeve, edhe pse Kejsi e kishte qartësuar se ishin miq në faqen e saj. Megjithatë kjo nuk i ka vënë aspak fre zërave, të cilët nxituan të publikonin “lidhjen që dyshja e kishte mbajtur të fshehur”. Tashmë ka menduar vetë artistja që përfaqësoi Shqipërinë në Eurovizion kur ishte vetëm 16 vjeçe për ta përgënjeshtruar lajmin. Ajo e ka cilësuar atë si “fake news” dhe këtu mbyllet kjo histori. Në pritje që të hapet një tjetër pasi vështirë se mund të kenë fund…