Me një shifër prej 60.8 milionë dollarësh, realizimi më i ri i Disney ka arritur të mbajë vendin e parë sa i përket filmave, duke lënë pas në vend të dytë "The Huntsman" me 20.1 milionë dollarë fitime. Mendohet që shuma në total e fitimeve të mbledhura nga "The Jungle Book" vetëm në Shtetet e Bashkuara të jetë 191.5 milionë, ndërkohë që rangun global të ketë kaluar shifrën e 500 milionë dollarëve. Sa i përket vendit të tretë këtë fundjavë në Box Office, atë e ka zënë filmi "Barbershop 3: The Next Cut" i Ice Cube me 10.8 milionë dollarë fitime. Ndërkohë ato që kanë mbyllur top 5-shen më të mirë kanë qenë "Zootopia" dhe komedia "The Boss" me përkatësisht 6.6 dhe 6.1 milionë dollarë fitime secila!