Këngëtari i njohur shqiptar, Shkëlzen Jetishi, ka zbuluar së fundmi i ftuar në emisionin “Ftesë në 5” se kishte thyer karantinën. Këngëtari ka treguar se u mërzit nga qëndrimi në shtëpi dhe shkoi për një shëtitje në park. Mirëpo, pasi u kthye në shtëpi, atij i erdhi policia në banesë. “Ishte dita e tretë që ishte kërkuar izolimi i detyrueshëm por nuk e morëm shumë seriozisht situatën. Me thënë të drejtën një ditë e kam thyer karantinën pasi nuk qëndrova më në shtëpi, por sapo u ktheva nga shtëpia më erdhi policia dhe më tha që më kishin parë diku me makinë. Më pas ata më thanë që është e ndaluar dhe që prej asaj dite nuk kam dalë asnjëherë”, tregoi këngëtari.