Komisioni Qendror i Zgjedhjeve po kontakton kandidatët për të zëvendësuar vendet e lëna bosh nga opozita në Parlament. Ky institucion ka thirrur dhe Ina Haxhijan nga radhët e Partisë Demokratike për të zëvendësuar mandatin e ish-kryeministrit Sali Berisha. Përgjigja e saj nuk është befasuese. Me një reagim të shkurtër në “Facebook”, Haxhiaj shkruan se, “Më vjen keq, por nuk e zëvendësoj dot”.

Referuar afateve të përcaktuara në kodin zgjedhor ata kanë 10 ditë kohë në dispozicion për të dorëzuar në Komision Qëndror të Zgjedhjeve formularin e dekriminalizimit, gjithmonë nëse do të pranojnë të marrin mandatit e deputetit të lënë vakant.