4 ditë përpara mbajtjes së zgjedhjeve të 25 qershorit Lulzim Basha nga Kavaja kërkoi votën e socialistëve të zgënjyer nga premtimet e pambajtuara nga kryeministri Rama.
Lulzim Basha: Këto 4 ditë të mbetura derë më derë me bashkëqytetarët tuaj, që akoma nuk kanë vendosur e në veçanti të majtët e zhgënjyer, shpjegojuani planin tonë ekonomik!
Për këtë arsye Lulzim Basha iu kërkoi qytetarëve shqiptarë të marrin pjesë masivisht në zgjedhjet e së dielës.
Lulzim Basha: Të gjithë të dielën te kutitë e votimit! Të gjithë merrni me vete nga një mik, nga një shok apo nga një shoqe, njerëz të cilët duan të mbështesin projektin! Jepuni kurajon! Merrini me vete të votojnë ndryshimin e madh!
Kreu i demokratëve i kujtoi qytetarëve, se Kavaja është simbol i ndryshimeve të mëdha, ashtu siç ndodhi në vitet 1990.
Lulzim Basha: Sa herë Kavaja është zgjuar dhe bashkuar ka paralajmëruar ndryshime të mëdha në këtë vend. Kështu ndodhi verën e nxehtë të vitit 1990, ku Kavaja i priu ndryshimit të madh të lirisë dhe demokracisë me heronjtë e saj, me martirët e saj. Kështu do të ndodhë edhe këtë verë me heronjtë e rinj të Kavajës.