Prokuroria ka vendosur që mos të hetojë ish kryeministrin Berisha pas kallëzimit të një grupi deputetësh në lidhje me deklaratat e tij në Kuvend, ku kërkoi armatosjen e shqiptarëve. Sipas argumenteve të prokurorisë, "deklaratat e deputetit të Kuvendit të Shqipërisë, nga foltorja e sallës plenare, janë bërë në funksion të veprimtarisë parlamentare dhe në përmbushje të fjalës së lirë të opozitës parlamentare". Sipas organit të akuzës, këto deklarata nuk përmbushin elementët e ndonjë vepre penale. Deputetët kishin kallëzuar Berishën, për veprat penale të parashikuara nga nenet 222, 223 dhe 267 të Kodit Penal.