Wayne Rooney mund të jetë duke kaluar ditët e tij të fundit si lojtar i Manchester United. Siç është raportuar në “The Guardian” të mërkurën, sulmuesi anglez është më afër se kurrë dhënies së “OK” për ofertën e ardhur nga futbolli kinez, e cili do ta lejonte atë për të marrë 46 milionë euro në sezon. Afati i transferimeve në Kinë mbyllet të martën e ardhshme, më 28 shkurt.

Ky është afati që Rooney duhet të japë miratimin e tij përfundimtar për transferimin, çka do të sillte rreth 35 milionë euro në arkat e Manchester United, me të cilin sulmuesi ka ende një vit kontratë. Ndoshta zyrtarizimi i marrëveshjes do të bëhet të dielën, në “Wembley”, ku Rooney mund të fitojë trofeun e tij të fundit si kapiten i “Djajve të Kuq”, nëse triumfohet kundër Southampton, në finalen e Kupës së Ligës Angleze.