Policia e Floridas ka publikuar pamjet e një video ku tregohet lojtari i golfit Tiger Woods duke fjetur në timon dhe që u zgjua nga një polic. Edhe pse u mundua të justifikohej duke thënë se gjëndja e tij ishte shpërqëndruar për shkak të një reagimi të papritur të ilaçeve që po merrte pas operacionit në shpinë, i është nënshtruar “testit të rrugës”. Ai mezi ka qëndruar në këmbë madje as nuk e dinte ku ndodhej. Woods gjithashtu dështoi në katër testet e bëra nga policia si dhe doli pozitiv ndaj përdorimit të disa lloje drogërash.

Ai u arrestua rreth orës 3 të mëngjesit dhe u lirua disa orë më vonë . Megjithatë mbeten në fuqi akuzat për parkim të parregullt dhe përdorim të drogërave, të cilat u shtynë për në 5 korrik.