Tirana ka nisur përgatitjet për të pritur ditën e Shën Valentinit. 14 shukrti i njohur ndryshe si festa e të dashuruarve, është një ditë e zhurmshme në kryeqytet, kjo pasi është vërejtur një tendecë në rritje tek shqiptarët për ta festuar. Shumë bare dhe restorante të ndryshme organizojnë aktivitete me muzikë për çiftet e dashhuruara.

Dita e Shën Valentinit është një nga ngjarjet më të mëdha të muajit shkurt në Tiranë dhe nuk kishte si të mungonte as Bashkia e Tiranës e cila ka zbukuruar qytetin me simbole të dashurisë.

Në qendër të kryeqytetit është vendosur një podium në forme zemre ku çiftet e dashuruara mund të bëjnë fotografi me personin e zemrës. Sheshi “Nënë Tereza” është mbuluar nga zemra të kuqe duke I dhënë një atmosferë festive Tiranës. Sahati I Tiranës është një tjetër objekt që është pushtuar nga zemra të kuqe që janë simbol i dashurisë.

Pazari i Ri do të jetë stacioni i të dashuruarve pasditen e 14 shkurtit. Duke filluar nga ora 17: 00, Bashkia e Tiranës organizon një Koncert me të ftuar special ku marrin pjesë këngëtarë të njohur.