Një ngjarje e rëndë ka ndodhur në kryeqytet, pranë zonës së Kodrës së Diellit në Tiranë. Banorët tregojnë se një  burrë ka rënë nga kati i gjashtë mbi disa antena në katin e dytë, të cilat e kanë mbajtur aty. Ata janë trembur nga zhurma e madhe dhe kanë dalë jashtë për të parë çfarë po ndodhte. Nuk dihet nëse rënia ka qenë aksidentale apo zotëria ka tentuar t’i japë fund jetës. Pak më parë në vendngjarje ka mbërritur policia dhe ambulanca, e cila e ka çuar të plagosurin në spital. Nuk dihet ende gjendja e tij shëndetësore.