Persona të paidentifikuar kanë grabitur një bankë sot në orët e para të mëngjesit të sotëm në Tiranë.

Burime nga policia thanë se persona të paidentifikuar në rrugën e Dibrës kanë thyer dhe vjedhur paratë në një bankomat në kryeqytet.

“Rreth orës 04:10, në rrugën e Dibrës është vjedhur me thyerje bankomati i një banke të nivelit të dytë, ku kanë marrë një shumë monetare ende të pa përcaktuar.

Bankomati nuk ndodhet në të njëjtën godinë me atë të bankës.

Grupi hetimor po punon për identifikimin e autorëve të kësaj vepre kriminale”, thanë burime nga policia e kryeqytetit .