Mbrëmjen e kaluar, rreth orës 20:30 , shërbimet e skduadrës “Shqiponjat”, morën një telefonatë të mbërritur në numrin e emergjencave 112, se në kryqëzimin e rrugës “Mujo Ulqinaku”, me rrugën e “Kavajës”, në automjetin tip “Alfa Romeo”, dyshohet se personat në brendësi të saj, qarkullonin  me armë zjarri. Ata janë arrestuar pas ndjekjes me makinë nga policia në zonën  “Siri Kodra”, afër magazinave në Tiranë.

Rreth orës 20:30, shërbimet e skuadrës “Shqiponjat”, kanë konstatuar mjetin në afërsi të ish-restorant Durrësit, të cilët duke përfituar nga mbyllja e semaforit, kanë krijuar pak distancë të mjaftueshme për të braktisur mjetin dhe për tu larguar.

Nga kontrolli i ushtruar në mjet janë gjetur dy doza me lëndë të dyshuar narkotike të llojit kanabis sativa.

Grupi hetimor në vendin e ngjarjes ka identifikuar pronarin e mjetit shtetasin B. K., gjithashtu ka arritur të identifikojë se përdorues i këtij mjeti është edhe shtetasi K. L., 25 vjeç, me precedent penal  në fushën e vjedhjes. Po punohet për gjetjen e personave të cilët ndodheshin në këtë mjet.