9 muaj plot emocione mund të përshkruhen këto për Almeda Abazin dhe Tolgahan Sayisman.

Çifti i famshëm kanë sjellë në jetë një vogëlush të cilin kanë vendosur ta quajnë Efehan.

Asnjë foto e djalit nuk ka dalë ende apo e mamasë nëpër rrjete sociale, por ajo që dihet me siguri është se modelja shqiptare është shëndoshë e mirë.

Tepër i emocionuar për këtë eksperiencë të jashtëzakonshme, Tolgahan falenderoi gruan e tij dhe tha se ajo meritonte një medalje:

“Jam shumë i emocionuar dhe shumë i lodhur. Lindja zgjati shumë. Kam hyrë në sallë, por nuk e kisha menduar kaq të vështirë. E përgëzoj bashkëshorten time. Lindja normale nuk qenka aspak e lehtë. Dua t’i jap një medalje Almedës. Lindja zgjati 12 orë. Nuk kam fjalë ta përshkruaj atë ndjesi.” – u shpreh ai për mediat turke.

Ndër të tjera ai është shprehur gjithashtu se të afërmit i thonë se djali i ngjan shumë.

“Të gjithë që e shikojnë thonë se më ngjan shumë. Tek pjesa e gojës i ngjan nënës, por pjesa sipër është kopje e imja. Edhe Almeda sa e mori në dorë ‘është kopja jote’ më tha. Do të shpërndajmë edhe foto së shpejti”, ka thënë Tolgahan, shkruan “Tv Klan”.